ଭୁବନେଶ୍ୱର, : ଭୁବନେଶ୍ୱର ମହାନଗର ନିଗମ ୧୭ ନମ୍ବର ଓାର୍ଡ ଅନ୍ତର୍ଗତ ପଥରବନ୍ଧର ବେହେରା ସାହି ଓ ବିଶେଶ୍ୱର ବସ୍ତିରେ ୫ଟି ଅନ୍ତର୍ଗତ ଜାଗା ସମ୍ପର୍କ ମାଧ୍ୟମରେ ବସ୍ତି ବାସିନ୍ଦାଙ୍କ ଦକ୍ଷତା ବୃଦ୍ଧି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବସ୍ତି ଉନ୍ନୟନ ସଂଗଠନ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ୧୭ ନମ୍ବର ଓାର୍ଡର କର୍ପୋରେଟର ପୂଜା ମହାରଣା ଯୋଗଦେଇ ମାନ୍ୟବର ମୁଖ୍ୟମନ୍ତ୍ରୀଙ୍କ ବିଭିନ୍ନ ଜନହିତକର ଯୋଜନା ସମ୍ବଦ୍ଧରେ କହିବା ସହିତ ୫ଟି ମାଧ୍ୟମରେ କିପରି ଉନ୍ନତି କରଣ ହୋଇପାରିବ ସେ ଉପରେ ଆଲୋକପାତ କରିଥିଲେ ।
ଅନ୍ୟ ମାନଙ୍କ ମଧ୍ୟରେ ଓାର୍ଡ ଅଧିକରୀ ଶ୍ରୀକାନ୍ତ ମହାନ୍ତି,ସିଓ ସିପ୍ରାରାଣୀ ସାମନ୍ତରାୟ,ଯନ୍ତ୍ରୀ ମମତା ମହାପାତ୍ର,ମନୋଜା ମଞ୍ଜରୀ ଦେବୀ,ଜିଲ୍ଲା ସମ୍ପାଦକ ଭୋଳାନାଥ ମହାରଣା,ବାଦଲ ନାୟକ,ରବି ବଡତିଆ ଓ ରଞ୍ଜିତା ଦାସ ପ୍ରମୁଖ ଯୋଗଦେଇ ବସ୍ତି ବାସିନ୍ଦାଙ୍କ ବିଭିନ୍ନ ସମସ୍ୟା ପଚାରି ବୁଝିବା ସହ ଭୂମି ଅଧିକାର ପ୍ରମାଣପତ୍ର ପ୍ରଦାନ କରି ଜାଗା ମିଶନର ଶଭାରମ୍ଭ କରାଯାଇଥିଲା । ଏହି କାର୍ଯ୍ୟକ୍ରମରେ ଦୁଇଟି ବସ୍ତିର ବହୁ ଜନସାଧାରଣ ଯୋଗଦାନ କରିଥିଲେ ।