ଭୁବନେଶ୍ୱର : ଜାତୀୟ ପରୀକ୍ଷଣ ସଂସ୍ଥାନ(ଏନଟିଏ) ଦ୍ବାରା ପରିଚାଳିତ ବିଶ୍ବବିଦ୍ୟାଳୟ ଅନୁଦାନ ଆୟୋଗ (ୟୁଜିସି)-ନେଟ ଡିସେମ୍ବର- ୨୦୨୨ ସେସନ ପରୀକ୍ଷା ଫେବୃଆରୀ ୨୧ରୁ ଆରମ୍ଭ ହୋଇ ମାର୍ଚ୍ଚ ୧୦ ପର୍ଯ୍ୟନ୍ତ ଚାଲିବ। ଏ ସଂକ୍ରାନ୍ତରେ ଏନଟିଏ ପକ୍ଷରୁ ଏକ ବିଜ୍ଞପ୍ତି ପ୍ରକାଶ ପାଇଥିବା ବେଳେ ଆଗ୍ରହୀ ଛାତ୍ରଛାତ୍ରୀ ପଞ୍ଜୀକରଣ କରିବାକୁ କୁହାଯାଇଛି। ପଞ୍ଜୀକରଣ ଶେଷ ତାରିଖ ଜାନୁଆରୀ ୧୭ ରହିଛି। ଛାତ୍ରଛାତ୍ରୀ ୟୁଜିସି-ନେଟ ପରୀକ୍ଷା ନିମନ୍ତେ ଚାହିଁଲେ ପଞ୍ଜୀକରଣ କରିପାରିବେ। ଫେବୃଆରୀ ପ୍ରଥମ ସପ୍ତାହରେ ପରୀକ୍ଷା କେନ୍ଦ୍ର ସହର ନାମ ଘୋଷଣା ହେବାକୁ ଥିବାବେଳେ ମାସର ଦ୍ବିତୀୟ ସପ୍ତାହରେ ଛାତ୍ରଛାତ୍ରୀ ଆଡମିଟ କାର୍ଡ ଡାଉନଲୋଡ କରିପାରିବେ। ୮୩ଟି ବିଷୟ ପାଇଁ ଛାତ୍ରଛାତ୍ରୀ ପରୀକ୍ଷା ଦେଇପାରିେବ ଏବଂ ଏହା ଅନଲାଇନ କରାଯିବ।