ବିଜୁଳି ଆଲୁଅରୁ ବଞ୍ଚିତ ଗୁଡ଼ିଖୋଲ ଓ ସିମିଝିରୀ ଗ୍ରାମବାସୀ, ଡିବିରି ଆଲୁଅ ସାହା ଭରସା

ଫିରିଙ୍ଗିଆ  : ଗ୍ରାମାଞ୍ଚଳର ବିକାଶ ପାଇଁ ଅନେକ କାର୍ଯ୍ୟକ୍ରମ ଗ୍ରହଣ କରାଯାଇଥିଲେ ମଧ୍ୟ ଆଜି ପର୍ଯ୍ୟନ୍ତ ଏମିତି ଅନେକ ଗାଁ ବିଦ୍ୟୁତ ଆଲୋକ ଅପହଞ୍ଚ ହୋଇ ରହିଛି। ଗ୍ରାମବାସୀଙ୍କ ପାଇଁ ରାସ୍ତାଘାଟ, ପାନୀୟ ଜଳ ହେଉ କି ବିଦ୍ୟୁତ ସଂଯୋଗ ବିଭିନ୍ନ ମୌଳିକ ସୁବିଧା ନ ପାଇ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି।

କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଡିଣ୍ଡିରାଗାଁ ପଞ୍ଚାଯତ ୨ ନମ୍ବର ୱାର୍ଡ ଗୁଡିଖୋଲ ଗ୍ରାମବାସୀ ଆଜି ପର୍ଯ୍ୟନ୍ତ ସରକାରୀ ସୁବିଧାରୁ ବଞ୍ଚିତ ବାବେଳେ ବିଜୁଳି ଆଲୁଅ ଦେଖୁବା ସେମାନଙ୍କ ପାଇଁ ସାତସପନ ହୋଇ ରହିଛି। ବର୍ତ୍ତମାନ ବି ଗ୍ରାମବାସୀଙ୍କ ପାଇଁ ଡିବିରି ଆଲୁଅ ସାହା ଭରସା। ଗାଁରେ ପ୍ରାୟ ୧୭ ଘର ରହିଛି । ଲୋକେ ଗାଁରେ ବିଦ୍ୟୁତ ସଂଯୋଗ ଗାଁକୁ ନାହିଁ ପକ୍କାରାସ୍ତା, ପାନୀୟ ଜଳ ସୁବିଧା ପାଇଁ ବାରମ୍ବାର ପ୍ରଶାସନ ପାଖରେ ଲିଖୂତ ଭାବରେ ଦାବି କରିଥିଲେ ମଧ୍ୟ ଆଜି ପର୍ଯ୍ୟନ୍ତ ତାହା ହୋଇପାରି ନାହିଁ।

ଛୋଟ ପିଲାମାନେ ଡିବିରି ଆଲୁଅରେ ପଢୁଥିବା ବେଳେ କିରାସିନ ନଥିଲେ ଜାଳକାଠରେ ନିଆଁ ଲଗାଇ ସେମାନଙ୍କ ରାତି ବିତୁଛି। ସରକାରଙ୍କ ତରଫରୁ ତୁରନ୍ତ ଗାଁରେ ବିଦ୍ୟୁତ ସଂଯୋଗ ବ୍ୟବସ୍ଥା କରାଗଲେ ଗୁଡିଖୋଲ ଗ୍ରାମବାସୀ ଉପକୃତ ହେବେ ବୋଲି ଡିଣ୍ଡିରାଗାଁ ପଞ୍ଚାୟତ ନାଏବ ସରପଞ୍ଚ ରାମଚନ୍ଦ୍ର ମଲିକ, ବାବୁଲା ମଲିକ, କାମେଶ୍ବର୍ ମଲିକ, ପିତାମ୍ବର ମଲିକ, ଟୁନା ମଲିକ, ଶିବା ମଲିକ, ଦଣ୍ଡପାଣି ମଲିକ କହିଛନ୍ତି। ତୁରନ୍ତ ଗାଁରେ ବିଦ୍ୟୁତ ସଂଯୋଗ ପାଇଁ ଗ୍ରାମବାସୀ ଦାବି କରିଛନ୍ତି।

ଏହାକୁ ନେଇ ବିଦ୍ୟୁତ ବିଭାଗୀୟ ଅଧିକାରୀ ଏସଡିଓଙ୍କୁ ପଚାରିବାରୁ ଗୁଡ଼ିଖୋଲ ଓ ସିମିଝିରୀ ଗାଁରେ ବିଦ୍ୟୁତ ନଥୁବା ସ୍ବୀକାର କରିବା ସହ ଯଥାଶୀଘ୍ର ଟେଣ୍ଡର ପରେ ଗୁଡିଖୋଲ ଓ ସିମିଝିରୀ ଗାଁରେ ବିଦ୍ୟୁତ ସଂଯୋଗ କରାଯିବ ବୋଲି କହିଛନ୍ତି।