ଭୁବନେଶ୍ବର: ରମାଦେବୀ ମହିଳା ବିଶ୍ୱବିଦ୍ୟାଳୟର ବାଣିଜ୍ୟ ବିଭାଗ ଏବଂ ଅର୍ଥନୀତି ବିଭାଗ ମିଳିତ ଭାବରେ ଜାତୀୟ ଶିକ୍ଷା ନୀତି (ଏନଇପି) ୨୦୨୦ ଉପରେ ସମ୍ବେଦନଶୀଳତାକୁ ନେଇ ଏକ ଦୁଇ ଦିନିଆ କର୍ମଶାଳା ଆୟୋଜନ ହୋଇଯାଇଛି। ଏହି କର୍ମଶାଳାର ଦ୍ୱିତୀୟ ଦିନରେ ଦୁଇଟି ଅଧିବେଶନ ଅନୁଷ୍ଠିତ ହୋଇଥିଲା। ପ୍ରଥମ ଅଧିବେଶନର “ବାଣିଜ୍ୟ ଏବଂ ଅର୍ଥନୀତିରେ ବୃତ୍ତିଗତତା ଏବଂ ଦକ୍ଷତା ବିକାଶ” ନେତୃତ୍ୱ ଉପରେ କିଟ୍ ବିଶ୍ବବିଦ୍ୟାଳୟର ଆସୋସିଏଟ୍ ଡିନ୍ ଡକ୍ଟର ଶାସ୍ୱତ କିଶୋର ମିଶ୍ର ଆଲାେଚନା କରିଥିଲେ। ସେ ବାଣିଜ୍ୟ ଏବଂ ଅର୍ଥନୀତି କ୍ଷେତ୍ରରେ ଦକ୍ଷତା ବିକାଶରେ ଉଦୀୟମାନ ସୁଯୋଗ ଉପରେ ଗୁରୁତ୍ୱାରୋପ କରିଥିଲେ ଏବଂ ଆଜିକାଲିର ପ୍ରତିଯୋଗିତାମୂଳକ ବିଶ୍ୱରେ ସେମାନଙ୍କର ପ୍ରାସଙ୍ଗିକତାକୁ ମଧ୍ୟ ଗୁରୁତ୍ୱ ଦେଇଥିଲେ।
ଦ୍ୱିତୀୟ ଅଧିବେଶନ ଟି ଥିଲା”ଏନଇପି ଦୃଷ୍ଟିକୋଣରୁ ଉଚ୍ଚଶିକ୍ଷାରେ ସମାନତା, ପ୍ରବେଶ ଏବଂ ଅନ୍ତର୍ଭୁକ୍ତି”। ଉତ୍କଳ ବିଶ୍ୱବିଦ୍ୟାଳୟର ସହକାରୀ ପ୍ରଫେସର ଡକ୍ଟର ସୋନାଲି ମହାପାତ୍ର ଏହାକୁ ସମ୍ବୋଧିତ କରି ଜାତୀୟ ଶିକ୍ଷା ନୀତି ପରିପ୍ରେକ୍ଷୀରେ ଅର୍ଥନୀତିର ବ୍ୟାପକ ପରିସର ଉପରେ ଧ୍ୟାନ ଦେଇଥିଲେ। ବିଦାୟୀ ଭାଷଣ ଅର୍ଥନୀତି ବିଭାଗର ମୁଖ୍ୟ ପ୍ରଫେସର ଅପରାଜିତା ବିଶ୍ୱାଲ ପ୍ରଦାନ କରିଥିଲେ, ଯିଏ ଅନ୍ତର୍ଭୁକ୍ତ ଶିକ୍ଷାର ଗୁରୁତ୍ୱ ଉପରେ ଆଲୋକପାତ କରିଥିଲେ। ସମସ୍ତ ବକ୍ତା ଏବଂ ଅଂଶଗ୍ରହଣକାରୀଙ୍କ ଅବଦାନକୁ ସ୍ୱୀକାର କରି ବିପ୍ଳବ କୁମାର ଗୁରୁ ଧନ୍ୟବାଦ ସହ କାର୍ଯ୍ୟକ୍ରମ ଶେଷ କରିଥିଲେ।