ଭୁବନେଶ୍ୱର: ରମାଦେବୀ ମହିଳା ବିଶ୍ଵବିଦ୍ୟାଳୟରେ ଗୁରୁବାର ନୂତନ ପ୍ରେକ୍ଷାଳୟରେ ଜଳ ପରିମଳ ,ସ୍ବଚ୍ଛତା ଏବଂ ଜଳବାୟୁ ସ୍ଥିରତା ଅଭିନବ ମାଧ୍ୟମରେ ସ୍ଥାୟୀତ୍ୱ ନିର୍ମାଣ ବିଷୟରେ ଏକ ଦୁଇ ଦିବସୀୟ ଆଲୋଚନାଚକ୍ର ଅନୁଷ୍ଠିତ ହୋଇଛି। ଯୁବପିଢି ଓ ଲିଙ୍ଗଗତକୁ ପ୍ରଧାନ୍ୟ ଦେଇ ପ୍ରଯୁକ୍ତି ବିଦ୍ୟା ଓ ସମ୍ପ୍ରଦାୟ ପଦ୍ଧତିକୁ ମାଧ୍ୟମ କରି ସ୍ଥାୟୀତ୍ୱ ନିର୍ମାଣ କରିବା ଆଲୋଚନାଚକ୍ରର ମୁଖ୍ୟ ବିଷୟବସ୍ତୁ ଥିଲା।
କୁଳପତି ମହୋଦୟ ପ୍ରଫେସର ଚଣ୍ଡିଚରଣ ରଥଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପ୍ରଭାତୀ ପରିଡ଼ା ଯୋଗଦାନ କରିଥିଲେ। ଉନ୍ନୟନ କମିଶନର ତଥା ଅତିରିକ୍ତ ମୁଖ୍ୟ ଶାସନ ସଚିବ ପ୍ରଶାସନିକ ଅଧିକାରୀ ଅନୁ ଗର୍ଗ ତାଙ୍କର ବକ୍ତବ୍ୟରେ ସୁସ୍ଥ ପରିବେଶ ଗଢିବାରେ ବ୍ୟକ୍ତିମାନଙ୍କର ନିଜସ୍ଵ ସଚେତନା ଓ ସୁରକ୍ଷିତ ଜଳ ଉପରେ ଗୁରୁତ୍ଵାରୋପ କରିଥିଲେ । ଏହି ଅବସରରେ ଛାତ୍ରୀମାନଙ୍କ ଦ୍ଵାରା ଏକ ସକାରାତ୍ମକ କ୍ଷୁଦ୍ର ନାଟକ ପରିବେଷିତ ହୋଇଥିଲା।
ଏହି କାର୍ଯ୍ୟକ୍ରମକୁ ଜେଣ୍ଡର ଅଧ୍ୟୟନ ବିଭାଗର ଅଧ୍ୟାପକ ଓ ଅଧ୍ୟାପିକା ପରିଚାଳନା କରିଥିବା ସହ ଏନସିସି, ଏନଏସଏସ, ୟୁଥ ରେଡି କ୍ରସ ସ୍ଵେଚ୍ଛାସେବୀ ଓ ବିଶ୍ଵବିଦ୍ୟାଳୟର ଛାତ୍ରୀ ବୃନ୍ଦ ଯୋଗଦାନ ଦେଇଥିଲେ । ଡ଼ଃ. ଦେବଜାନୀ ଖାଁ ସ୍ବାଗତ ଭାଷଣ ଓ ଡ଼ଃ. ମଲ୍ଲିକ ବାସୁ ଧନ୍ୟବାଦ ଅର୍ପଣ କରିଥିଲେ।