ସମାଜ ଡିଜିଟାଲ ଡେସ୍କ: ଭାରତ-ପାକିସ୍ତାନ ଉତ୍ତେଜନା ପରିସ୍ଥିତି ମଧ୍ୟରେ ୟୁଟର୍ଣ୍ଣ ମାରିଛି ପାକିସ୍ତାନ । ମାତ୍ର ତିନି ଦିନର ଆକ୍ରମଣରେ ଆଣ୍ଠୁମାଡି ପଡିଛି ପାକିସ୍ତାନ । ପରମାଣୁ ଆକ୍ରମଣର ଧମକ ଦେଉଥିବା ପାକିସ୍ତାନ ଏବେ ଯୁଦ୍ଧ ଚାହୁଁ ନାହିଁ ବରଂ ଶାନ୍ତି ଚାହୁଁଛି । ସେଥିପାଇଁ ନିଜ ଆଗୁଆ ଭାରତକୁ ଶାନ୍ତି ପାଇଁ ନିବେଦନ କରିଛି ।
ମିଳିଥିବା ସୂଚନା ଅନୁସାରେ ପାକିସ୍ତାନ ଭାରତ ସହିତ ଏକ ବୈଠକ କରିବାକୁ ଚାହୁଁଛି । ଦୁଇ ଦେଶ ମଧ୍ୟରେ ବର୍ତ୍ତମାନ ଉତ୍ତେଜନା ଶୀର୍ଷରେ ପହଂଞ୍ଚିଛି । କହିବାକୁ ଗଲେ ଯୁଦ୍ଧ ଗୋଟିଏ ପ୍ରକାର ଆରମ୍ଭ ହୋଇଯାଇଛି । ପହଲଗାଓଁ ଆକ୍ରମଣର ପ୍ରତିଶୋଧ ନେଉଛି ଭାରତ । ପାକିସ୍ତାନ ପକ୍ଷରୁ ହେଉଥିବା ସବୁ ପ୍ରକାର ଆକ୍ରମଣର କଡା ଜବାବ ଦେଉଛି ଭାରତୀୟ ସେନା । ଭାରତ ଶତ୍ରୁ ରାଷ୍ଟ୍ରକୁ ଏତେ ମାତ୍ରାରେ କ୍ଷତି ପହଞ୍ଚାଇଛି ଯେ ଫଳରେ ଆଣ୍ଠେଇବାକୁ ବାଧ୍ୟ ହୋଇଛି । ଶେଷରେ କୌଣସି ଉପାୟ ନପାଇ ଶାନ୍ତିର ଗୁହାରି ଲଗାଇଛି ।*