ଗଞ୍ଜାମ:ଚାଙ୍ଗୁ ବାଜାର ନାଦରେ ଯୁଦ୍ଧ କରୁଛନ୍ତି ବୀର ପାଇକ ପୁଅ । ପ୍ରାୟ ୨୦୦ ବର୍ଷ ହେବ ପିଢ଼ି ପରେ ପିଢ଼ି ଏହି ପାଇକ ଆଖଡା କଳାକୁ ବଞ୍ଚେଇ ରଖିଆସିଛନ୍ତି ।
ଚାଙ୍ଗୁ ବାଜାର ଶବ୍ଦରେ ଯୁଦ୍ଧ କରୁଛନ୍ତି ବୀର ପାଇକ ପୁଅ । ଏବେବି ଗାଁ ଗଣ୍ଡାରେ ବଞ୍ଚି ରହିଛି ବୀର ପାଇକ ଆଖଡା । ଚାଙ୍ଗୁ ବାଜାର ଶବ୍ଦ ଶୁଣିଲା କ୍ଷଣି ଠେଙ୍ଗା ଖଣ୍ଡିଏ ଧରି ଓହ୍ଲାଇପଡ଼ନ୍ତି ମଇଦାନକୁ ଗ୍ରାମର ଅନେକ ଲୋକ । କଳିଙ୍ଗ ବୀର ପାଇକ ପୁଅଙ୍କ ଏହି କଳାକୁ ଗ୍ରାମରେ ପ୍ରାୟ ୨୦୦ ବର୍ଷ ଧରି ପିଢ଼ି ପରେ ପିଢ଼ି ଏହି ପାଇକ ଆଖଡା କଳାକୁ ବଞ୍ଚେଇ ଆସିଛନ୍ତି । ଏ ହେଉଛି ଗଂଜାମ ଜିଲ୍ଲା ଛତ୍ରପୁର ବ୍ଲକ ଅନ୍ତ୍ରଗତ ଗଙ୍ଗାପୁର ଗ୍ରାମରେ ରହିଥିବା ମା ଶିତଳା ଠାକୁରାଣୀ ପାଇକ କଳା ଅନୁଷ୍ଠାନ।
ବହୁ ବର୍ଷ ପୂର୍ବରୁ ପ୍ରଥମେ ସ୍ୱାଗତ ଗୁରୁ ଦୁଃଖା ନାହାକ ଏହି ଗ୍ରାମରେ ପାଇକ ଆଖଡା ଶିକ୍ଷା ଦେଇଥିଲେ ପରେ ପିଢ଼ି ପରେ ପିଢ଼ି ଆଉ ବର୍ତ୍ତମାନ ଗୁରୁ ସମ୍ବାରୀୟା ନାହାକ ଏହି କଳାକୁ ବଜାୟ ରଖିବାରେ ପ୍ରୟାସ କରିଛନ୍ତି । ବର୍ତ୍ତମାନର ଆଧୁନିକ ଯୁଗରେ ଏହି କଳାକୁ ବଜାୟ ରଖିବା କଷ୍ଟ ସାଧ୍ୟ ହୋଇଥିବା ବେଳେ ଏହି ଗ୍ରାମରେ ଅନେକ ପାଇକ ଅଖଡା କଳା ଶିକ୍ଷା କରିବାକୁ ଆଗ୍ରହ ପ୍ରକାଶ କରୁଥିଲେ ମଧ୍ୟ ଏହି କଳା ଶିକ୍ଷା ପାଇଁ ଅବଶ୍ୟକ ଭିତ୍ତି ଭୂମି ନଥିବା ହେତୁ ଏହି କଳା ଭଲଭାବରେ ଶିଖି ପାରୁନାହାନ୍ତି ଆଗ୍ରହୀ । ଏଣୁ ଏହି କଳାକୁ ରକ୍ଷା କରିବା ପାଇଁ ସରକାରୀ ସ୍ଥରରେ କୌଣସି ସୁବିଧା ସୁଯୋଗ ଯୋଗାଇଥିଲେ ଏହି କଳା ବଞ୍ଚିତ ହୋଇ ରୁହନ୍ତା ବୋଲି କୁହନ୍ତି ଗ୍ରାମବାସୀ।