ନୟାପଲ୍ଲୀ ଯୋଗ ଜିଲ୍ଲାର ବାର୍ଷିକ ଉତ୍ସବ, ଯୋଗଭ୍ୟାସ ସହିତ ପରିବେଶ ସୁରକ୍ଷାର ସଚେତନା ବାର୍ତ୍ତା

ଭୁବନେଶ୍ବର : ନୟାପଲ୍ଲୀ ଯୋଗ ଜିଲ୍ଲାର ଏନ୍-୩ ବିଡିଏ ପାର୍କର ନବମ ବାର୍ଷିକ ଉତ୍ସବ ଯୋଗଭ୍ୟାସ ସହିତ ପରିବେଶ ସୁରକ୍ଷାର ସଚେତନା ବାର୍ତ୍ତାକୁ ନେଇ ଏକ ନିଆରା ଢଙ୍ଗ ରେ ପାଳନ କରାଯାଇଥିଲା। ପ୍ରଥମ ଥର ପାଇଁ ପ୍ରଦୀପ ପ୍ରଜ୍ବଳନ ବଦଳରେ ଫୁଲ ଗଛ ଟିଏ ଲଗାଯାଇ ଉତ୍ସବର ଉଦଘାଟନ କରାଯାଇଥିଲା। ସମସ୍ତ ଅତିଥିମାନଙ୍କୁ ଫୁଲ ତୋଡ଼ା ବଦଳରେ ଚାରା ପ୍ରଦାନ କରା ଯାଇଥିଲା। ଅଶ୍ଵସ୍ଥ ଗଛର ପତ୍ରରେ ନିମନ୍ତ୍ରଣ ପତ୍ର ଲେଖା ଯାଇଥିଲା ଓ ଅତିଥି ମାନଙ୍କୁ ଦେବଦାରୁ ପତ୍ର ରେ ତିଆରି ବ୍ୟାଚ ପ୍ରଦାନ କରାଯାଇଥିଲା।

ଏହି କାର୍ଯ୍ୟକ୍ରମରେ ଭାରତୀୟ ଯୋଗ ସଂସ୍ଥାନ ର ଓଡିଶା ମୁଖ୍ୟ ସୁରେଶ କୁମାର ମହାପାତ୍ର ମୁଖ୍ୟ ଅତିଥି ଓ ପ୍ରାନ୍ତ ସଦସ୍ୟା ମଞ୍ଜୁଳା ମିଶ୍ର ମୁଖ୍ୟବକ୍ତା ଭାବରେ ଯୋଗ ଦେଇ ଥିଲେ। ମହାତ୍ମା ଗାନ୍ଧୀ ଯୋଗ ଜିଲ୍ଲାର ଜିଲ୍ଲା ପ୍ରଧାନ ହୣଷିକେଶ ନନ୍ଦ, ଜିଲ୍ଲା ମନ୍ତ୍ରୀ କେଦାରନାଥ ପାଢ଼ୀ, ନୟାପଲ୍ଲୀ ଯୋଗ ଜିଲ୍ଲାର ଜିଲ୍ଲା ପ୍ରଧାନ ପ୍ରଦୀପ୍ତ କୁମାର ମହାନ୍ତି, ଜିଲ୍ଲା ମନ୍ତ୍ରୀ ଜ୍ୟୋତିର୍ମୟ ରଥ ଓ ଜିଲ୍ଲା ସଂଗଠନ ମନ୍ତ୍ରୀ ଜୟଶ୍ରୀ ପଣ୍ଡା ଓ ଜିଲ୍ଲାର ଶତାଧିକ ସାଧକ ସାଧିକାମାନେ ଯୋଗ ଦେଇଥିଲେ।

ପୁଷ୍ପିତା ପଣ୍ଡା କ୍ଷେତ୍ର ମନ୍ତ୍ରୀ ଓ ପୁଷ୍ପିତା ଦାସ କେନ୍ଦ୍ର ପ୍ରମୁଖ ଓ ଅନ୍ୟ ସାଧିକାମାନେ ଯୋଗଭ୍ୟାସ କରାଇଥିଲେ।
ଶୁଭ୍ରସିମା ମହାନ୍ତି ଦକ୍ଷତାର ସହିତ ସଭାକାର୍ଯ୍ୟ ପରିଚାଳନା କରିଥିଲେ।