କଟକ : କଟକରେ ଏକ ନୂଆ କୋଭିଡ୍-୧୯ ଆକ୍ରାନ୍ତ ଚିହ୍ନଟ ହୋଇଛନ୍ତି। ଗତକାଲି ତାଙ୍କ ସ୍ୱାବ ନମୁନା ଭୁବନେଶ୍ଵରକୁ ପଠାଯାଇଥିଲା ଏବଂ ରିପୋର୍ଟ୍ ପଜିଟିଭ୍ ଆସିବା ପରେ ସେ ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅଛନ୍ତି।
କଟକ ସିଡିଏମଓ ସୂଚନା ଦେଇଛନ୍ତି ଯେ ଚିହ୍ନଟ ହୋଇଥିବା ଏହି ପୁରୁଷ ରୋଗୀଙ୍କ ସ୍ୱାସ୍ଥ୍ୟବସ୍ଥା ଭଲ ଅଛି ଏବଂ ତାଙ୍କୁ ଆବଶ୍ୟକ ଚିକିତ୍ସା ଦିଆଯାଉଛି।
ଏହି ନୂଆ ଘଟଣା ସହ ଓଡ଼ିଶାରେ କୋଭିଡ୍ ପଜିଟିଭ୍ ଆକ୍ରାନ୍ତଙ୍କ ସଂଖ୍ୟା ୬ ରେ ପହଞ୍ଚିଛି। ସେମାନଙ୍କ ମଧ୍ୟରୁ ଭୁବନେଶ୍ଵରରୁ ୪ ଜଣ, ଖୋର୍ଦ୍ଧା ଓ କଟକରୁ ଜଣେ ଲେଖାଏଁ ଥିବା ଜଣାପଡିଛି। ସମସ୍ତ ଆକ୍ରାନ୍ତଙ୍କ ମଧ୍ୟରୁ ୪ ଜଣ ପୁରୁଷ ଓ ୧ ଜଣ ମହିଳା ରହିଛନ୍ତି।
ସ୍ୱାସ୍ଥ୍ୟ ବିଭାଗ ନାଗରିକଙ୍କୁ ସତର୍କ ରହିବା, ମାସ୍କ ପିନ୍ଧିବା, ହାତ ଧୁଆ ଓ ସାମାଜିକ ଦୂରତା ରଖିବା ପାଇଁ ପୁଣିଥରେ ପରାମର୍ଶ ଦେଇଛି।
ରିପୋର୍ଟ: ଶୁଭସ୍ମିତା ପ୍ରଧାନ