ଭୁବନେଶ୍ୱର : ପରିବାର ସ୍ତରରୁ ବ୍ୟାପକ ସଚେତନତା ଓ ପ୍ରତ୍ୟେକ ଶିଶୁଙ୍କୁ ବିଦ୍ୟାଳୟଭିମୂଖୀ କରାଇବା ଜରୁରୀ। ଶିଶୁର ଶିକ୍ଷା, ସ୍ୱାସ୍ଥ୍ୟ ଓ ସୁରକ୍ଷା ତଥା ଶିଶୁ କେନ୍ଦ୍ରିକ ପରିବେଶକୁ ସମସ୍ତେ ବୁଝିବା ଓ ଜାଣିବା ଦରକାର ବୋଲି ୱାର୍ଡ଼ ନଂ-୨୬ ଅଧିନସ୍ଥ ନୀଳଚକ୍ର ନଗର ଠାରେ ଆକ୍ସନଏଡ୍ ଆସୋସିଏସନ୍ ଓ ସିସିଡ଼ବ୍ଲୁଡ଼ିଙ୍କ ମିିଳିତ ଆନୁକୁଲ୍ୟରେ ଆୟୋଜିତ ଜାତୀୟ ଶିଶୁ ଶ୍ରମ ନିରୋଧ ଦିବସ – ୨୦୨୫ ଅବକାଶରେ ଅତିଥିମାନେ ମତ ପ୍ରକାଶ କରିଛନ୍ତି।
ଅତିଥି ଭାବେ ଆକ୍ସନ୍ଏଡ଼ ଆସୋସିଏସନର ସହଯୋଗୀ ନିର୍ଦ୍ଦେଶକ ଦେବବ୍ରତ ପାତ୍ର ଓ ସିନିୟର ପ୍ରୋଗ୍ରାମଲିଡ୍ ଶୁଭେନ୍ଦୁ କୁମାର ରାୟ ଯୋଗଦାନ କରି ଶିଶୁର ଶିକ୍ଷା, ସ୍ୱାସ୍ଥ୍ୟ ଓ ସୁରକ୍ଷା ଉପରେ ବକ୍ତବ୍ୟ ରଖିଥିଲେ। ଏହି ଅବସରରେ ସିସିଡବ୍ଲୁଡ଼ିର ସମ୍ପାଦକ ସଦାଶିବ ସ୍ୱାଇଁ ଶିଶୁ କୈନ୍ଦ୍ରିକ ପରିବେଶ ଓ ଶିଶୁଶ୍ରମ ନିରୋଧ ଦିବସ ଉପରେ ବକ୍ତବ୍ୟ ରଖିଥିଲେ।
ଅନ୍ୟମାନଙ୍କ ମଧ୍ୟରେ ସୁଚରିତା ବେହେରା, ସ୍ନିଗ୍ଧା ଦାସ, ଭାସ୍କର ଚନ୍ଦ୍ର ପ୍ରଧାନ ପ୍ରମୁଖ ନିଜର ମତାମତ ରଖିଥିଲେ। ପରିଶେଷରେ ସରସ୍ୱତୀ ପରିଡ଼ା ସମସ୍ତଙ୍କୁ ଶପଥ ପାଠ କରାଇଥିଲେ। ରେଣୁବାଳା ସାହୁ ସ୍ୱାଗତ ଅଭିଭାଷଣ ପ୍ରଦାନ କରିଥିôବା ବେଳେ ବିଷ୍ଣୁପ୍ରିୟା ସାମଲ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ। ଏହି ସଚେତନତା କାର୍ଯ୍ୟକ୍ରମ ଜୁନ୍ ୧୨ ତାରିଖ ପର୍ଯ୍ୟନ୍ତ ଚାଲିବ।