ସୁନ୍ଦରଗଡ଼ : ୫ ଟନ ବିସ୍ଫୋରକ ଲୁଟ ମାମଲାରେ ଓଡ଼ିଶା-ଝାଡ଼ଖଣ୍ଡ ସଂଯୁକ୍ତ ପୋଲିସ ଅପରେସନ୍ରେ ସରଣ୍ଡା ଜଙ୍ଗଲରୁ ଅଢ଼େଇ ଟନ୍ ବିସ୍ଫୋରକ ଜବତ ହୋଇଛି। ଗୁପ୍ତ ସୂଚନା ଆଧାରରେ ଚଳାଯାଇଥିବା ସର୍ଚ୍ଚ ଅଭିଯାନ ସମୟରେ ଏହି ବିସ୍ଫୋରକ ମିଳିଥିଲା।
ଗତ ମଙ୍ଗଳବାର ରାତିରେ ସୁନ୍ଦରଗଡ଼ ଜିଲ୍ଲାର ବାଙ୍କୋ ଅଂଚଳରୁ ମାଓବାଦୀମାନେ ପାଖାପାଖି ୫ ଟନ ବିସ୍ଫୋରକ ଲୁଟି ନେଇଥିଲେ। ଏହି ଘଟଣାରେ ୪୦ରୁ ଅଧିକ ମାଓବାଦୀ ସଂଳଗ୍ନ ଥିବା କଥା ଜଣାପଡ଼ିଛି। ସେମାନେ କେ-ବଲାଙ୍ଗ ବାଙ୍କୋ ପଥର ଖଣି ନିକଟରୁ ୫,୦୦୦ କେଜି ବିସ୍ଫୋରକ ସାମଗ୍ରୀ ଲୁଟି ନେଇଥିଲେ।
ଏହି ଲୁଟ ସମ୍ବନ୍ଧୀୟ ବିସ୍ଫୋରକ ଖୋଜିବା ପାଇଁ ସୁରକ୍ଷା ବାହିନୀ କମ୍ବିଂ ଓ ଅପରେସନ ଜୋରଦାର କରିଥିଲେ। ଚଢ଼ାଉ ସମୟରେ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ମଧ୍ୟ ହୋଇଥିଲା।
ଅପରେସନ୍ରେ ମାଓବାଦୀଙ୍କ ବ୍ୟବହୃତ ବିଭିନ୍ନ ସାମଗ୍ରୀ ସହ ଏକ କ୍ୱିଣ୍ଟାଲରୁ ଅଧିକ ଜିଲୋଟିନ ବିସ୍ଫୋରକ ଓ ଲୁଟ ହୋଇଥିବା ବିପୁଳ ପରିମାଣର ବିସ୍ଫୋରକ ଜବତ ହୋଇଛି। ସୁରକ୍ଷା ବାହିନୀ ଏହି ଅଭିଯାନକୁ ଏଯାଁ ନ ଥିବା ବଡ଼ ସଫଳତା ବୋଲି ବର୍ଣ୍ଣନା କରିଛି।
ରିପୋର୍ଟ: ଶୁଭସ୍ମିତା ପ୍ରଧାନ