ଭିଏସଏସ ନଗରରେ ମାଗଣା ସ୍ୱାସ୍ଥ୍ୟ ଶିବିର, ରୋଗ ନିରାକରଣ ଓ ସଚେତନତା ଉପରେ ଗୁରୁତ୍ୱ ଦେଲେ ଡାକ୍ତର

• ଭିଏସଏସ ନଗରରେ ସ୍ୱାସ୍ଥ୍ୟ ସେବାର ମହାକୁମ୍ଭ: ଶତାଧିକ ରୋଗୀଙ୍କୁ ମାଗଣା ଚିକିତ୍ସା

• ଖୁସି ଡାଇବେଟିକ୍ କେୟାରର ମହତ ପ୍ରୟାସ; ମାଗଣା ଶିବିରରେ ପରାମର୍ଶ ଦେଲେ ବିଶେଷଜ୍ଞ

• ସେବା ହିଁ ପରମ ଧର୍ମ: ଭୁବନେଶ୍ୱରରେ ବିଶ୍ୱେଶ୍ୱରୀ ମେଡ଼ିକାଲ୍ ଷ୍ଟୋର ପକ୍ଷରୁ ସ୍ୱାସ୍ଥ୍ୟ ଶିବିର

ଭୁବନେଶ୍ୱର : ସ୍ଥାନୀୟ ଭିଏସଏସ ନଗର ଅଞ୍ଚଳରେ ଏକ ମାଗଣା ସ୍ୱାସ୍ଥ୍ୟ ସେବା ଓ ପରାମର୍ଶ ଶିବିର ସଫଳତାର ସହ ଅନୁଷ୍ଠିତ ହୋଇଯାଇଛି। “ଖୁସି ଡାଇବେଟିକ୍ କେୟାର” ଏବଂ “ବିଶ୍ୱେଶ୍ୱରୀ ମେଡ଼ିକାଲ୍ ଷ୍ଟୋର”ର ମିଳିତ ଆନୁକୂଲ୍ୟରେ ଆୟୋଜିତ ଏହି ଶିବିରରେ ଶତାଧିକ ରୋଗୀ ଯୋଗଦେଇ ସ୍ୱାସ୍ଥ୍ୟ ପରୀକ୍ଷା କରାଇବା ସହ ବିଶେଷଜ୍ଞଙ୍କ ପରାମର୍ଶ ଗ୍ରହଣ କରିଛନ୍ତି।

ଏହି ସ୍ୱାସ୍ଥ୍ୟ ଶିବିରରେ ରାଜଧାନୀର ବିଭିନ୍ନ ପ୍ରତିଷ୍ଠିତ ଚିକିତ୍ସକ ଯୋଗଦେଇ ରୋଗୀଙ୍କୁ ସେବା ଯୋଗାଇଥିଲେ। ମେଡ଼ିସିନ୍ ଓ ଡାଇବେଟିକ୍ ବିଶେଷଜ୍ଞ ଡାକ୍ତର ଚନ୍ଦନ କୁମାର ପାତ୍ର, ଶିଶୁ ରୋଗ ବିଶେଷଜ୍ଞ ଡାକ୍ତର ସୀମାଞ୍ଚଳ ଦାଶ, ଦନ୍ତ ରୋଗ ବିଶେଷଜ୍ଞ ଡାକ୍ତର ଗାଥା ମହାନ୍ତି ଏବଂ ଚର୍ମ ରୋଗ ବିଶେଷଜ୍ଞ ଡାକ୍ତର ରବୀନ୍ଦ୍ର କୁମାର ପଣ୍ଡା ପ୍ରମୁଖ ଏହି ଶିବିରରେ ଉପସ୍ଥିତ ରହି ଚିକିତ୍ସା କରିଥିଲେ। ସ୍ୱାସ୍ଥ୍ୟ ପରାମର୍ଶ ସହ ରୋଗର ନିରାକରଣ ଓ ପ୍ରତିଷେଧକ ବ୍ୟବସ୍ଥା ସମ୍ପର୍କରେ ଡାକ୍ତରମାନେ ଉପସ୍ଥିତ ଜନସାଧାରଣଙ୍କୁ ଅବଗତ କରାଇଥିଲେ।

ଶିବିର ଅବସରରେ “ଖୁସି ଡାଇବେଟିକ୍ କେୟାର” ପକ୍ଷରୁ ରୋଗୀମାନଙ୍କର ମାଗଣାରେ ଡାଇବେଟିସ୍ ବା ରକ୍ତ ଶର୍କରା ପରୀକ୍ଷା କରାଯାଇଥିଲା। ସେହିପରି “ଅଗ୍ରୱାଲା ଆଇ ହସ୍ପିଟାଲ୍” ସହାୟତାରେ ରୋଗୀଙ୍କର ଚକ୍ଷୁ ପରୀକ୍ଷା ଓ ମାଗଣା ଚିକିତ୍ସା କରାଯାଇଥିଲା। ବିଶ୍ୱେଶ୍ୱରୀ ମେଡ଼ିକାଲ୍ ଷ୍ଟୋରର ତତ୍ତ୍ୱାବଧାରକ ଶ୍ରୀ ଅରୁଣ କୁମାର ଦାଶ ଏହି ସମସ୍ତ କାର୍ଯ୍ୟକ୍ରମକୁ ସୁଚାରୁରୂପେ ପରିଚାଳନା କରିଥିଲେ। ଅଞ୍ଚଳବାସୀଙ୍କୁ ଏକାଠି ଏତେଗୁଡ଼ିଏ ବିଶେଷଜ୍ଞଙ୍କ ସେବା ଯୋଗାଇଦେବା ଭଳି ଏହି ସାମାଜିକ ପ୍ରୟାସକୁ ସାଧାରଣରେ ବହୁ ପ୍ରଶଂସା କରାଯାଇଛି।