ଭୁବନେଶ୍ୱର : ପବିତ୍ର ରମ୍ଜାନ୍ ମାସ ଅବସରରେ କଳିଙ୍ଗ ଟ୍ରଷ୍ଟ ଆନୁକୂଲ୍ୟରେ ଚନ୍ଦ୍ରଶେଖରପୁର ନିଳାଦ୍ରୀ ବିହାର ସ୍ଥିତ ଗ୍ରାଣ୍ଡ ଲୁମ୍ବିନୀ ପରିସରରେ ପ୍ରତିବର୍ଷ ଭଳି ଚଳିତ ବର୍ଷ ଆଇନ୍ଜୀବୀ ମାନଙ୍କର ଇଫତାର ପାର୍ଟି ଅନୁଷ୍ଠିତ ହୋଇଯାଇଛି । ଟ୍ରଷ୍ଟର ଅଧ୍ୟକ୍ଷ ଡ. ମଧୁମାଧବ ଜେନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ବିଶିଷ୍ଟ ଅତିଥି ମାନଙ୍କ ମଧ୍ୟରେ ସାମ୍ବାଦିକ ଜବାର ସିଂହ, ଆଇନଜୀବୀ ଡ. ହାସନ ଖାଁ, ମହମ୍ମଦ କଲିମ୍, ହବିବୁର ରହମନ୍, ଅମର ମହାନ୍ତି, ତନ୍ଦିର ଅହମ୍ମଦ ପ୍ରମୁଖ ଯୋଗଦେଇ ରୋଜା ମାସର ମହାତ୍ମ୍ୟ ବିଷୟରେ ଆଲୋଚନା କରିଥିଲେ । ଏହି ପାର୍ଟିରେ ପ୍ରଥମେ ରୋଜା ଭଙ୍ଗ କରାଯାଇ ନମାଜ ପାଠ କରାଯାଇଥିଲା । ଓକିଲ ମାନଙ୍କର ବ୍ୟସ୍ତବହୁଳ ଜୀବନ ମଧ୍ୟରେ ଆଜିର ଦିନଟି ଭାଇଚାରାର ବାତାବରଣ ଭିତରେ ଆନନ୍ଦ, ଉଲ୍ଲାସ ଓ ଆଲିଙ୍ଗନରେ ପୁରି ଉଠିଥିଲା । ଏଥିରେ ଶତାଧିକ ଆଇନଜୀବୀ ଅଂଶଗ୍ରହଣ କରିଥିଲେ ।