ଭୁବନେଶ୍ୱର: ଗାଡକଣ ଗ୍ରାମ ପଡ଼ିଆ ଠାରେ ୧୮ ବର୍ଷରୁ କମ୍ ଗାଡକଣ ପ୍ରିମିଅର ଲିଗ ସଟ୍ ବାଉଣ୍ଡରୀ ଟେନିସ ବଲ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି। ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ୧୨ ନମ୍ବର ୱାର୍ଡର କର୍ପୋରେଟର ଜୟନ୍ତୀ ସାହୁ, ସମାଜସେବୀ ପ୍ରସନ୍ନ କୁମାର ସାହୁ ଯୋଗଦେଇ ଉଦ୍ଘାଟନ କରିଥିଲେ।
ଏଥିରେ ସ୍ଥାନୀୟ ଅଞ୍ଚଳର ୮ଟି ଦଳ ଯଥା ଇଗଲ ନାଇନ୍, ଗାଡକଣ ହଣ୍ଟର୍ସ, ସନରାଇଜ୍, ବିକାଶ ନାଇନ୍, ଡମଣା, ଭୋଟପଡା, ଓମ ସା ବିହାର ଟିମ୍ ଅଂଶଗ୍ରହଣ କରିଛନ୍ତି। ଏମାନଙ୍କୁ ଗ୍ରୁପ ଏ ଓ ବି ଦୁଇ ଭାଗରେ ବିଭକ୍ତ କରା ଯାଇଛି। ପ୍ରତ୍ୟେକ ଟିମ୍ ୩ ଟି ଲିଗ୍ ମ୍ୟାଚ ଖେଳିବା ପରେ ବିଜୟୀ ଟିମ୍ ସେମି ଫାଇନାଲ ଓ ଫାଇନାଲ ମ୍ୟାଚ ଖେଲିବାର କାର୍ଯ୍ୟକ୍ରମ ରହିଛି। ଚାମ୍ପିୟନ ଓ ରନର୍ସଅପ ଟିମକୁ ଆକର୍ଷଣୀୟ ଟ୍ରଫି ସହିତ ନଗଦ ଅର୍ଥରାଶି ପ୍ରଦାନ କରାଯିବ ବୋଲି ଗାଡକଣ ଦଳ ପକ୍ଷରୁ କୁହାଯାଇଛି।