୨୨ ଦିନରେ ପହଞ୍ଚିଲା ଅବକାରୀ ବିଭାଗର ଏନଫୋର୍ସମେଣ୍ଟ ଡ୍ରାଇଭ୍, ୧.୫୪ କୋଟି ଟଙ୍କା ଜବତ

ଭୁବନେଶ୍ବର : ଏନଫୋର୍ସମେଣ୍ଟ ସ୍ପେଶାଲ ଡ୍ରାଇଭ୍ ର ୨୨ତମ ଦିନରେ ଉତ୍ପାଦ ଅବକାରୀ ବିଭାଗ ପକ୍ଷରୁ ୧.୫୪ କୋଟି ଟଙ୍କାରୁ ଅଧିକ ମୂଲ୍ୟର ନିଷିଦ୍ଧ ସାମଗ୍ରୀ ଜବତ କରାଯାଇଛି। ସମୁଦାୟ ୧୯୯ ଟି ମାମଲା ଚିହ୍ନଟ ହୋଇଥିଲା, ଯାହାଫଳରେ ୧୦୫ ଜଣଙ୍କୁ ଗିରଫ କରାଯାଇଥିଲା।

ଏହିଏନଫୋର୍ସମେଣ୍ଟ ସ୍ପେଶାଲ ଡ୍ରାଇଭ୍ ଅବସରରେ ୮,୦୧୨ ବିଏଲ ବେଆଇନ ଡିଷ୍ଟିଲଡ ମଦ, ୪୬୬ ବିଏଲ ଡ୍ୟୁଟି-ପେଡ ମଦ ଜବତ କରାଯାଇଥିଲା ଏବଂ ୯୫,୨୪୦ ବିଏଲ ୱାଶ ନଷ୍ଟ କରାଯାଇଥିଲା। ଅଧିକାରୀମାନେ ୧,୨୦୦ କିଲୋଗ୍ରାମ ମୋହୁଆ ଫୁଲ ଏବଂ ବେଆଇନ କାରବାରରେ ବ୍ୟବହୃତ ୧୪ଟି ଗାଡି ଜବତ କରିଛନ୍ତି।

ଉଲ୍ଲେଖଯୋଗ୍ୟ, ନାର୍କୋଟିକ୍ ଡ୍ରଗ୍ସ ଆଣ୍ଡ ସାଇକୋଟ୍ରୋପିକ୍ ସବଷ୍ଟାନ୍ସେସ୍ (ଏନଡିପିଏସ୍) ଆକ୍ଟ ଅନୁଯାୟୀ ୧୧ଟି ମାମଲା ରୁଜୁ କରାଯାଇଥିଛି ଏବଂ ୧୩୧ କିଲୋଗ୍ରାମ ଗଞ୍ଜେଇ, ୩୦୫ ଗ୍ରାମ ହେରୋଇନ ଏବଂ ୨୪ ଲିଟର କୋଡିନ୍ ଆଧାରିତ କଫ୍ ସିରପ୍ ଜବତ କରାଯାଇଛି।

ଯୋଗାଣ ନେଟୱାର୍କକୁ ବ୍ୟାହତ କରିବା ଏବଂ ପୁନରାବୃତ୍ତି ଅପରାଧୀଙ୍କ ବିରୋଧରେ କଠୋର କାର୍ଯ୍ୟାନ୍ୱୟନ ସୁନିଶ୍ଚିତ କରିବା ଉପରେ ଧ୍ୟାନ ଦେଇ ସ୍ୱତନ୍ତ୍ର ଡ୍ରାଇଭ୍ ଜାରି ରହିବ ବୋଲି ଅବକାରୀ ବିଭାଗ କର୍ତ୍ତୃପକ୍ଷ କହିଛନ୍ତି।