ନୂଆଦିଲ୍ଲୀ: କରୋନା ସଂକ୍ରମଣକୁ ଦୃଷ୍ଟିରେ ରଖି କେନ୍ଦ୍ର ସରକାର ଆଗୁଆ ପଦକ୍ଷେପ ନେଉଛନ୍ତି । ପୂର୍ବରୁ ଦେଶରେ ଟେଷ୍ଟିଂ ଓ ସଂକ୍ରମଣକୁ ନେଇ ବାରମ୍ବାର କେନ୍ଦ୍ର ସରକାରଙ୍କ ପକ୍ଷରୁ ସମୀକ୍ଷା କରାଯାଇଥିବା ବେଳେ ବର୍ତ୍ତମାନ ଗାଇଡଲାଇନ୍ ଜାରି କରାଯାଇଛି । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ନୂଆ ଗାଇଡଲାଇନ୍ ଜାରି ହୋଇଛି । ଗାଇଡଲାଇନ୍ ଅନୁସାରେ ବର୍ତ୍ତମାନ ସଂକ୍ରମଣ ବ୍ୟାପୁଥିବା ଦେଶ ଗୁଡ଼ିକରୁ ଆସିଲେ ଟେଷ୍ଟିଂକୁ ବାଧ୍ୟତାମୂଳକ କରାଯାଇଛି । କରୋନା ସଂକ୍ରମଣ ବ୍ୟାପୁଥିବା ୬ଟି ଦେଶ ତଥା ଚୀନ୍, ସିଙ୍ଗାପୁର, ହଂକଂ, କୋରିଆ, ଥାଇଲାଣ୍ଡ ଓ ଜାପନରୁ ଆସୁଥିବା ନାଗରିକଙ୍କ ପାଇଁ ଆରଟି-ପିସିଆର ଟେଷ୍ଟ ବାଧ୍ୟତାମୂଳକ ହୋଇଛି । ଖାଲି ସେତିକି ନୁହେଁ ଭାରତ ଆସିବାର ୭୨ ଘଣ୍ଟା ପୂର୍ବରୁ ଟେଷ୍ଟ କରାଇବାକୁ କହିଛି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ । ଭାରତର ଯେକୌଣସି ଏୟାରପୋର୍ଟରେ ପହଞ୍ଚିଲେ ରିପୋର୍ଟ ଜରୁରୀ ବୋଲି କୁହାଯାଇଛି ।