ଭୁବନେଶ୍ୱର : ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଏବଂ ଓଡ଼ିଶା ସଙ୍ଗୀତ ନାଟକ ଏକାଡେମୀର ମିଳିତ ଆନୁକୂଲ୍ୟରେ ଭୁବନେଶ୍ୱର ସ୍ଥିତ ଜୟଦେବ ଭବନ ଠାରେ ଆୟୋଜିତ ହେଉଥିବା ଚଳଚ୍ଚିତ୍ର ପ୍ରଦର୍ଶନ କାର୍ଯ୍ୟକ୍ରମର ଆଜି ତୃତୀୟ ସନ୍ଧ୍ୟାରେ “ଚିଲିକା ତୀରେ” ଚଳଚ୍ଚିତ୍ର ପ୍ରଦର୍ଶିତ ହୋଇଛି। ବିଳ୍ପବ ରାୟ ଚୌଧୁରୀଙ୍କ ନିର୍ଦ୍ଦେଶନାରେ ନିର୍ମିତ ଏହି କ୍ଲାସିକ ଓଡ଼ିଆ ସିନେମାକୁ ଦର୍ଶକମାନେ ବେଶ ଉପଭୋଗ କରିଥିଲେ।
‘ଚିଲିକା ତୀରେ’ ୧୯୭୭ ମସିହାରେ ମୁକ୍ତିଲାଭ କରିଥିବା ଏକ ଓଡ଼ିଆ କଥାଚିତ୍ର । ଏହା ବିପ୍ଳବ ରାୟଚୌଧୁରୀଙ୍କ ନିର୍ଦ୍ଦେଶନାରେ ନିର୍ମିତ ହେଇଥିଲା । ସଙ୍ଗୀତ ଶାନ୍ତନୁ ମହାପାତ୍ର ଗୀତ ଗୁଡ଼ିକର ସାରଣୀ
| ଗୀତ | ଗୀତିକାର | ଗାୟକ / ଗାୟିକା |
|---|---|---|
| ୧) ମାଝିରେ ଉଆସ ରାତି | ଶିବବ୍ରତ ଦାସ | ପ୍ରଣବ ପଟ୍ଟନାୟକ |
| ୨) ସୁଲସୁଲିଆ ଚୁଲବୁଲିଆ | ଶିବବ୍ରତ ଦାସ | ନିର୍ମଳା ମିଶ୍ର ଓ ବସନ୍ତ ଦାସ |
| ୩) କଇଁଚ ନୁହେଁ କି କଙ୍କଡ଼ା | ଶିବବ୍ରତ ଦାସ | ପ୍ରଫୁଲ୍ଲ କର, ବସନ୍ତ ଦାସ, ଓ ସାଥୀ |
| ୪) ଜଗତପତି ହେ | ଦେବାଶିଷ ମହାପାତ୍ର | |
| ୫) ଯା ଯାରେ ଭାସି ଯା | ଶିବବ୍ରତ ଦାସ | ନିର୍ମଳା ମିଶ୍ର |
| ୬) ପିମ୍ପୁଡ଼ି ବାପୁଡ଼ା ବାହା | ଶିବବ୍ରତ ଦାସ | ଚିତ୍ତ ଜେନା ଓ ଇନ୍ଦ୍ରାଣୀ ମିଶ୍ର |
| ୭) ଉର୍ମି ଅଧୀରା ରୂପସୀ ଚିଲିକା | ଶିବବ୍ରତ ଦାସ | ପ୍ରଣବ ପଟ୍ଟନାୟକ |
ଅଭିନୟ:
ଓଡ଼ିଆ କଥାଚିତ୍ର ‘ଚିଲିକା ତୀରେ’ରେ ଅଭିନୟ କରିଥିବା ପ୍ରମୁଖ କଳାକାର ହେଲେ:
- ବିଜୟ ମହାନ୍ତି : ଏହା ତାଙ୍କ ଅଭିନୀତ ପ୍ରଥମ ଓଡ଼ିଆ ଚଳଚ୍ଚିତ୍ର।
- ତନ୍ଦ୍ରା ରାୟ : ଏହା ତାଙ୍କ ଅଭିନୀତ ପ୍ରଥମ ଓଡ଼ିଆ ଚଳଚ୍ଚିତ୍ର।
- ହେମନ୍ତ ଦାସ
- ସୁଜାତା ଆନନ୍ଦ
- ଅଶୋକ ଚକ୍ରବର୍ତ୍ତୀ
- ରୁନୁ ବୋଷ
- ଅକ୍ଷୟ ମହାନ୍ତି (କାଶ୍ୟପ)
- ନିତ୍ୟାନନ୍ଦ ମିଶ୍ର
- ବିଜୟ ମିଶ୍ର
- ପ୍ରୀତି ପଟ୍ଟନାୟକ
- ମଞ୍ଜୁ ପ୍ରଧାନ
- ରାଧାରାଣୀ
ପ୍ରକାଶଯୋଗ୍ୟ ଯେ, ଜୁନ୍ ୧୨ ତାରିଖରୁ ଜୁନ୍ ୧୯ ତାରିଖ ପର୍ଯ୍ୟନ୍ତ ଜୟଦେବ ଭବନ ଠାରେ ଓଡ଼ିଆ ଚଳଚ୍ଚିତ୍ର ପ୍ରଦର୍ଶନ କାର୍ଯ୍ୟକ୍ରମର ଆୟୋଜନ କରାଯାଉଛି।