ରାଜ୍ୟରେ ୧୧ଲକ୍ଷ ୧୫ହଜାର ୩୬୯ ମେଟ୍ରିକ ଟନ୍ ସାର ଉପଲବ୍ଧ, ୮ଲକ୍ଷ ୬୭ ହଜାର ମେଟ୍ରିକ ଟନ୍ ବିକ୍ରୟ

ବୈଠକରୁ ଜଣାପଡିଛି ଯେ ବର୍ତ୍ତମାନସୁଦ୍ଧା ଚଲିତ ବର୍ଷ ରାଜ୍ୟରେ ୧୧ଲକ୍ଷ ୧୫ହଜାର ୩୬୯ ମେଟ୍ରିକ ଟନ୍ ସାର ଉପଲବ୍ଧ ହୋଇଥିବାସ୍ଥଳେ ତନ୍ମଧ୍ୟରୁ ୮ଲକ୍ଷ ୬୭ ହଜାର ମେଟ୍ରିକ ଟନ୍ ବିକ୍ରୟ ହୋଇ ସାରିଛି, ଯାହାକି ଏବର୍ଷ ସାର ଉପଲବ୍ଧତା ଓ ବିକ୍ରୟ କ୍ଷେତ୍ରରେ ସର୍ବକାଳୀନ ରେକର୍ଡ। ତେବେ ଏବର୍ଷ ମୌସୁମୀ ବର୍ଷା ଭଲ ହୋଇଥିବାରୁ ବିଶେଷ  କରି ଧାନଚାଷ ଭଲ ହୋଇଥିବାରୁ ସେଥିପାଇଁ ସାରର ଆବଶ୍ୟକତାବୃଦ୍ଧିପାଇଛି।କୃଷି ବିଭାଗ ତରଫରୁ ସମବାୟ ବିଭାଗ ସହଯୋଗରେ ସାରର ଉପଲବ୍ଧତା ପାଇଁ ସମସ୍ତ ସୁବିଧା କରାଯାଉଛି । ମାର୍କଫେଡଠାରୁ ସାର ପାଇବା ଓପାକ୍ସଜରିଆରେ ଚାଷୀମାନଙ୍କୁ ଠିକଭାବରେ ସାରଯୋଗାଇବା ପାଇଁ ଆଗୁଆ ପ୍ରସ୍ତୁତି କରିବାକୁ (ପ୍ରି ପୋଜିସନିଂ) ପାଇଁ ନିର୍ଦ୍ଦେଶ ଦିଆଯାଇଛି।କୃଷିବିଭାଗ, ମାର୍କଫେଡ ଓ ପାକ୍ସ ସହ ନିୟମିତ ବୈଠକ ଓ ସମନ୍ୱୟ କରାଯାଇ କୃଷକମାନଙ୍କୁ ଆବଶ୍ୟକତା ଅନୁସାରେ ସାରଯୋଗାଇ ଦେବାକୁ ପଦକ୍ଷେପ ନେବାକୁ ଜିଳ୍ଲାପାଳମାନଙ୍କୁ ନିର୍ଦ୍ଦେଶ ଦିଆଯାଇଛି।ସାର କିପରି ରାଜ୍ୟରେ ଠିକ୍ ସମୟରେ ପହଞ୍ଚିବ, ସେଥିପାଇଁ କୃଷି ବିଭାଗ ତରଫରୁ ରେଳ ବିଭାଗ କର୍ତ୍ତୃପକ୍ଷ ଏବଂ ସଡ଼କ ପଥରେ  ସାର ପରିବହନକୁ ସୁବିଧା ଜନକ କରିବା ପାଇଁ ଉପଯୁକ୍ତ ସମନ୍ୱୟ କରାଯାଉଛି । ସାରର କୃତ୍ରିମ ଅଭାବ, କଳା ବଜାରୀ ଉପରେ ରୋକ ଲଗାଇବା ପାଇଁ ଏନ୍ଫୋର୍ସମେଣ୍ଟ(ଚଢ଼ଉ) ଜାରି ରହିଥିବା ସଂପର୍କରେ ବୈଠକରେ ସୂଚନା ଦିଆଯାଇଥିଲା ।