ଭୁବନେଶ୍ୱର ; ଭୁବନେଶ୍ୱର ମହାନଗର ନିଗମ ଭେଣ୍ଡିଙ୍ଗ ଜୋନ୍ କମିଟିରେ ଏକମାତ୍ର କର୍ପୋରେଟର ଭାବେ ୧୨ ନମ୍ବର ଓାର୍ଡର କର୍ପୋରେଟର ଜୟନ୍ତୀ ସାହୁଙ୍କୁ ମିଳିଛି ନୂଆ ଦାୟିତ୍ୱ । ବିଏମସି କମିଶନର ବିଜୟ ଅମୃତ କୁଲାଙ୍ଗେଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଏକ ୧୨ ଜଣିଆ ଭେଣ୍ଡିଙ୍ଗ ଜୋନ କମିଟି ଗଠନ କରାଯାଇଛି । ଏଥିରେ କମିଶନର ଅଧ୍ୟକ୍ଷ ରହିଥିବା ବେଳେ ଅନ୍ୟ ୧୧ ଜଣଙ୍କ ମଧ୍ୟରେ ଭୁବନେଶ୍ୱର ଡିସିପି ପ୍ରତିକ ସିଂ, ମହାନଗର ଯୋଜନାକାରୀ ଅଧିକାରୀ ଲିଙ୍ଗରାଜ ପଟ୍ଟନାୟକ, ଖୋର୍ଦ୍ଧା ଜିଲ୍ଲା ଜାତୀୟ ସ୍ତରୀୟ ବ୍ୟାଙ୍କର ପରିଚାଳକ କିମ୍ବା ତାଙ୍କ ପ୍ରତିନିଧି, ୧୨ ନମ୍ବର ଓାର୍ଡ କର୍ପୋରେଟର ଜୟନ୍ତୀ ସାହୁ,କଳିଙ୍ଗ ନଗର ଆବାସିକ ସଂଘର ସଭାପତି ଡଃ ସୁଶାନ୍ତ କୁମାର ଦାସ, ସିଏଫଆର ଏନଜିଓର ମୁଖ୍ୟ ପ୍ରତିନିଧି, ଓ ବିଭିନ୍ନ ଭେଣ୍ଡିଙ୍ଗ ଜୋନର ମୁଖ୍ୟ ଗୟାଧର ସ୍ୱାଇଁ, ମନୋଜ କୁମାର ସ୍ୱାଇଁ, ସନ୍ଧ୍ୟା ସେଠୀ, ବିଜୟ କୁମାର ଦାସ, ଧିରେନ୍ଦ୍ର କୁମାର ସ୍ୱାଇଁ ପ୍ରମୁଖ ରହିଛନ୍ତି ।