ଭୁବନେଶ୍ବର: ଦକ୍ଷିଣ କୋରିଆର ଗୁମିରେ ଆୟୋଜିତ ଏସୀୟ ଦୌଡ଼କୁଦ ପ୍ରତିଯୋଗିତାରେ ଶନିବାର ୨୦୦ ମିଟର ଫାଇନାଲ୍ ରେସ୍କୁ ଅନିମେଷ ୨୦.୩୨ ସେକେଣ୍ଡ୍ରେ ଶେଷ କରି ଓଡ଼ିଶାର ଧାବକ ଅନିମେଷ କୁଜୁର ପୁଣି ଥରେ ଜାତୀୟ ରେକର୍ଡର ଅଧିକାରୀ ହୋଇଛନ୍ତି। ଶନିବାର ୨୦୦ ମିଟର ଫାଇନାଲ୍ ରେସ୍କୁ ଅନିମେଷ ୨୦.୩୨ ସେକେଣ୍ଡ୍ରେ ଶେଷ କରି ନୂଆ ଜାତୀୟ ରେକର୍ଡ ସହ କାଂସ୍ୟ ପଦକ ଜିତିଥିଲେ ଏବଂ ନିଜ ନାମରେ ଥିବା ୨୦.୪୦ ଦ୍ଵିତୀୟ ଜାତୀୟ ରେକର୍ଡକୁ ଏଠାରେ ଅତିକ୍ରମ କରିଥିଲେ। ସେ ମାତ୍ର ୦.୦୧ ସେକେଣ୍ଡ ପାଇଁ ରୌପ୍ୟରୁ ବଞ୍ଚିତ ହୋଇଥିଲେ ଏବଂ ଚଳିତ ବର୍ଷ ଫେଡେରେସନ୍ କପ୍ରେ ସେ ଏହି ରେକର୍ଡ କରିଥିଲେ।
Congratulations to #Odisha athlete Animesh Kujur on clinching Bronze medal in 200m sprint after clocking an impressive 20.32 seconds at #AsianAthleticsChampionships in South Korea and creating a new national record. He has made the entire nation proud with this achievement. May… pic.twitter.com/DhnLlMIeog
— Mohan Charan Majhi (@MohanMOdisha) May 31, 2025
ଏହି ପଦକ ସହ ଅନିମେଷ ଦ୍ବିତୀୟ ଭାରତୀୟ ଭାବେ ଏସୀୟ ଦୌଡ଼କୁଦ ପ୍ରତିଯୋଗିତାର ୨୦୦ ମିଟର ଦୌଡ଼ରେ ପଦକ ଜିତିବାର ଗୌରବ ପାଇଛନ୍ତି। ୨୦୧୫ରେ ଧରମବୀର ସିଂହ ପ୍ରଥମ ଭାରତୀୟ ଭାବେ ଏହି ସଫଳତା ହାସଲ କରିଥିଲେ।
ଅନିମେଷ କୁଜୁର ଏହି ଐତିହାସିକ ସଫଳତା ପାଇବା ପରେ କହିଛନ୍ତି ଯେ ବଡ଼ ଅନ୍ତର୍ଜାତୀୟ ପ୍ରତିଯୋଗିତାରେ କାଂସ୍ୟ ପଦକ ଜିତିଥିବାରୁ ଗର୍ବ ଅନୁଭବ କରୁଛି। ଶନିବାର ମାନସିକ ସ୍ତରରେ ମୁଁ ବେଶ୍ ଦୃଢ଼ ଓ ଆତ୍ମବିଶ୍ବାସରେ ଭରପୂର ଥିଲି। ମୋ ଦକ୍ଷତା ଉପରେ ମୋର ସପୂର୍ଣ୍ଣ ଭରସା ଥିଲା। ପୁଣି ଥରେ ଜାତୀୟ ରେକର୍ଡ କରି ବହୁତ ଖୁସି ଲାଗୁଛି। ଏହା କେବଳ ଆରମ୍ଭ ମାତ୍ର। ଆଗକୁ ସଫଳତାର ଆହୁରି ନୂଆସ୍ତର ଛୁଇଁବାକୁ ଚାହୁଛି।
ଅପର ପକ୍ଷରେ ଅନିମେଷଙ୍କ ଏହି ପ୍ରଦର୍ଶନ ଲାଗି ଓଡ଼ିଶା ରିଲାଏନ୍ସ ଆଥଲେଟିକ୍ସ ଏଚ୍ପିସିର ମୁଖ୍ୟ ପ୍ରଶିକ୍ଷକ ମାର୍ଟିନ ଓଏନ୍ସ ଭୂୟସୀ ପ୍ରଶଂସା କରିଛନ୍ତି।
After Animesh Kujur won a #Bronze in his maiden Asian Athletics Championships at Gumi, his coach Martin Owens reflects on his performance, his transition from a footballer to an ace sprinter and the way forward.#OdishaForSports #IndianAthletics #AAC25 #Athletics pic.twitter.com/H89kKu06rR
— Odisha Sports (@sports_odisha) May 31, 2025
ଦକ୍ଷିଣ କୋରିଆର ଗୁମିରେ ଆୟୋଜିତ ଏସୀୟ ଦୌଡ଼କୁଦ ପ୍ରତିଯୋଗିତାରେ ଶନିବାର ୨୦୦ ମିଟର ଫାଇନାଲ୍ ରେସ୍ ଇଭେଣ୍ଟରେ ଅନିମେଷ କୁଜୁରଙ୍କ ଠାରୁ ଆଗରେ ରହି ଜାପାନର ତୋୱା ଉଜୱା (୨୦.୧୨ ସେକେଣ୍ଡ) ମିଟ୍ ରେକର୍ଡ ସହ ସ୍ବର୍ଣ୍ଣ ଏବଂ ସାଉଦି ଆରବର ଅବଦୁଲଅଜିଜ ଅତାଫି (୨୦.୩୧ ସେକେଣ୍ଡ) ରୌପ୍ୟ ପଦକ ଜିତିଥିଲେ।
ଦ୍ବିତୀୟ ଓଡ଼ିଶା ଖେଳାଳି ଭାବେ ଶ୍ରାବଣୀ ନନ୍ଦ ରୌପ୍ୟ ପଦକ ଜିତି ରାଜ୍ୟ ପାଇଁ ଗୌରବ ଆଣିଛନ୍ତି। ଶ୍ରାବଣୀ, ଅଭିନୟା ରାଜରାଜନ, ସ୍ନେହା ଏସ୍ଏସ୍ ଓ ନିତ୍ୟା ଗାନ୍ଧେଙ୍କୁ ନେଇ ଗଠିତ ଭାରତୀୟ ୪ଗୁଣା ୧୦୦ ମିଟର ରିଲେ ଦଳ ଋତୁ ଶ୍ରେଷ୍ଠ ସମୟ ୪୩.୮୬ ସେକେଣ୍ଡରେ ରେସ୍ ଶେଷ କରି ରୌପ୍ୟ ପଦକ ପାଇଥିଲେ। ଚୀନ୍ (୪୩.୨୮ ସେକେଣ୍ଡ) ସ୍ବର୍ଣ୍ଣ ଏବଂ ଥାଇଲାଣ୍ଡ (୪୪.୨୬ ସେକେଣ୍ଡ) କାଂସ୍ୟ ପଦକ ଜିତିଥିଲେ।
#Odisha’s Srabani Nanda and team won Silver 🥈 in the 4x100m Relay at the 26th Asian Athletics Championships 2025! 🎥#OdishaForSports #IndianAthletics #AAC25 #Athletics pic.twitter.com/h6gT7xl2fa
— Odisha Sports (@sports_odisha) May 31, 2025
ଅନିମେଷ ଓ ଶ୍ରାବଣୀଙ୍କ ସଫଳତା ପାଇଁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓ କ୍ରୀଡ଼ାମନ୍ତ୍ରୀ ସୂର୍ଯ୍ୟବଂଶୀ ସୂରଜ ସେମାନଙ୍କୁ ଅଭିନନ୍ଦନ ଜଣାଇଛନ୍ତି। ସେହିଭଳି ଭାରତୀୟ ମହିଳା ରିଲେ ଦଳର ସମସ୍ତ ଖେଳାଳିଙ୍କୁ ଅଭିନନ୍ଦନ ଜଣାଇବା ସହ ସେମାନଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଛନ୍ତି।
ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଛନ୍ତି ଯେ ଦକ୍ଷିଣ କୋରିଆର ଗୁମିରେ ଚାଲିଥିବା ଏସୀୟ ଦୌଡ଼କୁଦ ପ୍ରତିଯୋଗିତାର ମହିଳା ୪ × ୧୦୦ ମିଟର ରିଲେ ରେସରେ ରୌପ୍ୟ ପଦକ ଜିତିଥିବା ମହିଳା ଦଳକୁ ମୋର ଶୁଭେଚ୍ଛା। ଏଥିସହ ଦଳରେ ଥିବା ଓଡ଼ିଶା ମାଟିର ସୁକନ୍ୟା ଓଡ଼ିଆ ଧାବିକା ଶ୍ରାବଣୀ ନନ୍ଦଙ୍କୁ ମଧ୍ୟ ହାର୍ଦ୍ଦିକ ଅଭିନନ୍ଦନ ଜଣାଉଛି। ଆପଣଙ୍କର ଏହି ଉପଲବ୍ଧି ଓଡ଼ିଶା ପାଇଁ ନିଶ୍ଚୟ ଗର୍ବ ଓ ଗୌରବର ବିଷୟ। ଆପଣଙ୍କ ପରିଶ୍ରମ, ଅଦମ୍ୟ ଇଚ୍ଛାଶକ୍ତି ଏବଂ କ୍ରୀଡ଼ା ପ୍ରତି ଆଗ୍ରହ ଆଗାମୀ ପିଢ଼ିକୁ ପ୍ରେରଣା ଦେବ। ସମସ୍ତଙ୍କ ଉଜ୍ଜ୍ୱଳ ଭବିଷ୍ୟତ ଓ ଉତ୍ତରୋତ୍ତର ଉନ୍ନତି କାମନା କରୁଛି।
ଦକ୍ଷିଣ କୋରିଆର ଗୁମିରେ ଚାଲିଥିବା #AsianAthleticsChampionships ର ମହିଳା ୪ × ୧୦୦ ମିଟର ରିଲେ ରେସ୍ ରେ ରୌପ୍ୟ ପଦକ ଜିତିଥିବା ମହିଳା ଦଳକୁ ମୋର ଶୁଭେଚ୍ଛା। ଏଥିସହ ଦଳରେ ଥିବା ଓଡ଼ିଶା ମାଟିର ସୁକନ୍ୟା ଓଡ଼ିଆ ଧାବିକା ଶ୍ରାବଣୀ ନନ୍ଦଙ୍କୁ ମଧ୍ୟ ହାର୍ଦ୍ଦିକ ଅଭିନନ୍ଦନ ଜଣାଉଛି। ଆପଣଙ୍କର ଏହି ଉପଲବ୍ଧି ଓଡ଼ିଶା ପାଇଁ ନିଶ୍ଚୟ ଗର୍ବ… pic.twitter.com/Utw7YqqPvJ
— Mohan Charan Majhi (@MohanMOdisha) May 31, 2025
ଏସୀୟ ଦୌଡ଼କୁଦରେ ଐତିହାସିକ ସଫଳତା ହାସଲ କରି ଆମ କ୍ରୀଡ଼ାବିତ୍ମାନେ ଆମ ପାଇଁ ଗର୍ବ ଓ ଗୌରବ ଆଣିଛନ୍ତି। ସେମାନଙ୍କ ପାଇଁ ଆମେ ଅତ୍ୟନ୍ତ ଗର୍ବିତ। ଆଜିର ଏହି ସଫଳତା ଭବିଷ୍ୟତର ସମସ୍ତ କ୍ରୀଡ଼ାବିତ୍ମାନଙ୍କୁ ନିଶ୍ଚିତ ଭାବେ ପ୍ରୋତ୍ସାହିତ କରିବ। ଏଥିସହିତ ଓଡ଼ିଶାରେ ବିଶେଷଭାବରେ ମହିଳା କ୍ରୀଡ଼ାବିତ୍ମାନେ କ୍ରୀଡ଼ା କ୍ଷେତ୍ରରେ ନିଜର ଭବିଷ୍ୟତ ନିର୍ମାଣ କରିବା ନିମନ୍ତେ ପ୍ରେରିତ ହେବେ।
ଓଡ଼ିଶାର ଧାବକ ଅନିମେଶ କୁଜୁର ଗୁମିର ଏସୀୟ ଆଥଲେଟିକ୍ସ ଚାମ୍ପିଅନସିପ-୨୦୨୫ରେ ପୁରୁଷ ୨୦୦ ମିଟର ଦୌଡ଼ରେ କାଂସ୍ୟ ପଦକ ଜିଣି ରାଜ୍ଯ ପାଇଁ ଗର୍ବ ଆଣିଛନ୍ତି ।ଅନିମେଶ ୨୦.୩୨ ସେକେଣ୍ଡରେ ଦୌଡ଼ ସମାପ୍ତ କରି ତୃତୀୟ ସ୍ଥାନ ଅକ୍ତିଆର କରିବା ସହ ନିଜର ପୂର୍ବ ଜାତୀୟ ରେକର୍ଡ ଭାଙ୍ଗିଛନ୍ତି । ଫୋନ୍ ଯୋଗେ ଅନିମେଶଙ୍କ ସହ କଥା ହୋଇ ତାଙ୍କ ଉଜ୍ଜଳ… pic.twitter.com/Jm2qdqitgf
— Suryabanshi Suraj (@suryabanshibjp) May 31, 2025
ଦକ୍ଷିଣ କୋରିଆର ଗୁମିରେ ଆୟୋଜିତ ଏସୀୟ ଦୌଡ଼କୁଦ ପ୍ରତିଯୋଗିତାରେ ଏହି ଦୁଇ ପଦକ ସହ ଭାରତକୁ ଶନିବାର ୩ ଲେଖାଏଁ ରୌପ୍ୟ ଓ କାଂସ୍ୟ ମିଳିଛି। ଅନ୍ୟ ଦୁଇ ରୌପ୍ୟ ପଦକ ପୁରୁଷ ଜାଭ୍ଲିନ୍ରେ ସଚିନ ୟାଦବ, ମହିଳା ୫୦୦୦ ମିଟରରେ ପାରୁଲ ଚୌଧୁରୀ ଜିତିଥିଲେ। ସଚିନ (୮୫.୧୬ ମିଟର) ବ୍ୟକ୍ତିଗତ ଶ୍ରେଷ୍ଠ ସହ ରୌପ୍ୟ ପାଇଥଲେ। ଅଲିମ୍ପିକ୍ସ ବିଜେତା ପାକିସ୍ତାନର ଅର୍ସଦ ନଦୀମ (୮୬.୪୦ ମିଟର) ସ୍ବର୍ଣ୍ଣ ଏବଂ ଜାପାନର ୟୁତା ସାକିୟାମା (୮୩.୭୫ ମିଟର) କାଂସ୍ୟ ଜିତିଥିଲେ।
ପାରୁଲ ୧୫:୧୫.୩୩ ସେକେଣ୍ଡରେ ରେସ୍ ଶେଷ କରି ଦ୍ବିତୀୟ ସ୍ଥାନରେ ରହିଥିଲା ବେଳେ କାଜାଖସ୍ତାନର ନୋରା ଜେରୁଟୋ ତନୁଇ (୧୩:୫୮.୭୧) ସ୍ବର୍ଣ୍ଣ ଏବଂ ଜାପାନର ୟୁମା ୟାମାମୋତୋ (୧୫:୧୬.୮୬) କାଂସ୍ୟ ପାଇଛନ୍ତି। କାଂସ୍ୟ ପଦକ ଦ୍ବୟ ମହିଳା ୪୦୦ ମିଟର ବାଧାଦୌଡ଼ରେ ଭିତ୍ୟା ରାମରାଜ (୫୬.୪୬ ସେକେଣ୍ଡ) ଏବଂ ୮୦୦ ମିଟରରେ ପୂଜା (୨:୦୧.୮୯) ଜିତିଥିଲେ।
ଏହି ପ୍ରତିଯୋଗିତାରେ ଭାରତ ୮ ସ୍ବର୍ଣ୍ଣ, ୧୦ ରୌପ୍ୟ, ୬ କାଂସ୍ୟ ସହ ୨୪ ପଦକ ଜିତି ଚୀନ୍ (୧୯ ସ୍ବର୍ଣ୍ଣ, ୯ ରୌପ୍ୟ, ୪ କାଂସ୍ୟ) ୩୨ ପଦକ ପଛକୁ ଦ୍ବିତୀୟ ସ୍ଥାନରେ ରହି ଅଭିଯାନ ଶେଷ କରିଛି। ଗତ ସଂସ୍କରଣରେ ଭାରତ ୨୭ ପଦକ ଜିତିଥିଲା ଚଳିତ ସଂସ୍କରଣ ଏହାଠୁ ପଦକରେ ପଛରେ ପଡ଼ିଥିଲେ ମଧ୍ୟ ସ୍ବର୍ଣ୍ଣରେ ୨ଟି ଅଧିକ ଜିତିଛି।
ଏସୀୟ ଆଥଲେଟିକ୍ସ ଚାମ୍ପିଅନସିପ – ୨୦୨୫ ରେ ଭାରତୀୟ ମହିଳା ଦଳ ୪x୧୦୦ ରିଲେ ରେସରେ ରୌପ୍ୟ ପଦକ ଜିଣି ଦେଶ ପାଇଁ ସୁନାମ ଆଣିଛନ୍ତି ଯେଉଁଥିରେ ଆମ ଓଡ଼ିଆ ଝିଅ ଶ୍ରାବଣୀ ନନ୍ଦ ମଧ୍ୟ ସାମିଲ ଅଛନ୍ତି । ଧାବିକାମାନଙ୍କ ଉଜ୍ଜ୍ୱଳ ଭବିଷ୍ୟତ ପାଇଁ ଶୁଭେଚ୍ଛା । pic.twitter.com/J1IdlKENwa
— Suryabanshi Suraj (@suryabanshibjp) May 31, 2025