ଭୁବନେଶ୍ୱର,୧୯।୪(ବ୍ୟୁରୋ): ଓଭର ବିଲିଂ ଅଭିଯୋଗରେ ୩ କନଷ୍ଟେବଳଙ୍କୁ ନିଲମ୍ବନ କରାଯାଇଛି। ନିଲମ୍ବିତ ୩ କନଷ୍ଟେବଳ ହେଲେ ସୀମାଞ୍ଚଳ ସେଠୀ, ଅଜିତ ଧଳ ଓ ରଞ୍ଜିତ ସ୍ବାଇଁ । ପଞ୍ଚାୟତ ନିର୍ବାଚନ ସମୟରେ ଡିଜେଲ ଓଭର ବିଲିଂ ଅଭିଯୋଗରେ ସମ୍ବଲପୁର ଏସ୍ପି ଏଭଳି କାର୍ଯ୍ୟାନୁଷ୍ଠାନ ନେଇଛନ୍ତି । ଗାଡ଼ିରେ ତେଲ ପକାଇବା ବେଳେ ଓଭର ବିଲିଂର ଅଭିଯୋଗ ଆସିଥିଲା । ୧୬ଟି ପୋଲିସ ଭ୍ୟାନର ଦୂରତା ଓ ଡିଜେଲ ପରିମାଣ ଖାପ ଖାଉ ନ ଥିଲା ବେଳେ ତଦନ୍ତ ପରେ ସମ୍ବଲପୁର ଏସ୍ପି ଏଭଳି ନିଷ୍ପତ୍ତି ନେଇଛନ୍ତି।